Visita a Aceites Abril

O alumnado do primeiro curso do Ciclo Formativo de Grao Superior en Mecatrónica Industrial e o de primeiro curso do Ciclo Formativo de Grao Medio en Condución de Vehículos, desfrutou dunha visita ás instalacións de Aceites Abril no polígono industrial de San Cibrao das Viñas, sede da empresa en Ourense.

Durante a visita, coñeceron de primeira man a historia da empresa e o importante crecemento que experimentou nos últimos dez anos. Na actualidade, a empresa conta con cerca de 200 empregados e exporta os seus produtos a máis de 50 países, o que reflicte a súa forte presenza nos mercados internacionais.

Ao longo do percorrido, un representante do departamento de calidade mostroulles as liñas de produción e a tecnoloxía empregada, o que lles permitiu observar de preto o proceso de envasado e envasado do aceite. Ademais, visitaron e puideron observar o enorme almacén co seu sistema de estanterías móbiles, especialmente deseñado para maximizar o espazo dispoñible, así como os diversos equipos de manipulación que se empregan para o transporte e a organización dos produtos dentro das instalacións.

A visita desenvolveuse nun ambiente moi amigable e interactivo, coa empresa respondendo ás preguntas dos estudantes en todo momento. E ao final, o alumnado recibiu un pequeno agasallo: unha botella de aceite de oliva virxe extra.